Tiana. Tziu Frantziscu Cau at crompiu 101 annos
At sighiu sas isholas bintzas a sa 3 media, a pustis a semper triballau po pesare sa familia
Di: Carlo Crisponi
Tziu Frantziscu Cau, hi totus in bidda sua muttini tziu Nico, crompet 101 annos.
Est nashiu in Tiana s’ 8 de frearzu de su 1920, est sanu e arzillu, s’ammnentat totu de sa zoventude e de totu sas pessones hi at honnotu in sa bida sua.
Su babbu hozubau 2 bortas, teniat 18 izos e tziu Nico, mancari no esset creshiu in d’una familia benistante, est rennessiu a huncruire sas isholas pihandesi sa 3 media.
At triballau tzerahu pastore innantis de moere sordau in su 1938, at depuis aher sa Segunda Gherra Mundiale, est torrau a domo sua a pustis de 7 annos.
In su 1954 ses hozubau e ant tentu 3 izos, at triballau in sa Comuna de Tiana bintzas a su 1978.
Po more de sas regulas hi bi sunt de sighire po su Covid, no at potziu aher una esta manna po totu sa bidda ‘e Tiana, at detzisu hi hando s’at a poder aher, at a faher una bella esta po afestare sos 101 annos.
Tiana est una bidda hi tenet bona sorte, tziu Nico no est su primu hi che holat sos 100 annos.
Attività realizzata col contributo della Regione Sardegna - IMPRENTAS 2020-2021. LR 22/2018, art. 22
