Ozieri

Othieri, sas paraulas de su pastore Gianbattista ponent su tuddu: “No amus a perdere mai sa dignidade”

Sos istudentes de s’Istitutu tecnicu “E.Fermi” de Othieri sunt falados in s’istrada custu manzanu pro manifestare

Othieri, sas paraulas de su pastore Gianbattista ponent su tuddu: “No amus a perdere mai sa dignidade”

Di: Pietro Lavena


 Sos istudentes de s’Istitutu tecnicu “E.Fermi” de Othieri sunt falados in s’istrada custu manzanu pro manifestare sa solidariedade issoro a sos pastores sardos in rivolta.

Unu muntone de zente est acudida a bidere sa manifestasciones de sos istudentes othieresos chi sunt arrividos a dainanti de su comune, inue sos pastores fint apittu pro ilvagantare a terra su latte inpare a issos.

Unu de sos pastores, Gianbattista Calvisi de Bitti, at faeddadu a sos giovanos contentelis tottu su dolores de una protesta istorica.

"Como bos ispiego proitte nois semus inoghe. Inoghe semus fattende una gherra chi no riguardati solu sos pastores ma totta sa Sardigna.

Oe inoghe no b’at solu 30 litros de latte, ma b’est su suore de duamiza annos de istoria. E nois che lu semu frundende a terra ca no nos dana nudda. Nos ant custrintu a andare a trabagliare indebadas.

Oe sos pitzinnos bettant su latte chi amus murtu nois. Fizos nostros devent bettare su trabagliu nostro. Pessade a itte puntu nos ant battidu!

Oe, inoghe, nois bettamus su latte. Ma ammentade sempre chi su pastore sa dignidade no la perdet mai!”.

Correlati

Il nuovo shop con prodotti tipici della Sardegna

SardiniaLive mette in vendita una serie di prodotti tipici dell’Isola, scopri i cesti regalo, i prodotti per il corpo ed i gadget nel nostro shop online.

Scopri lo shop