Mattarella annulat sas Cameras
Di: Pietro Lavena
Su presidente de sa Repubblica Mattarella at annulladu sas Cameras de su guvernu, su Senatu e sa Camera de sos Deputados.
Sa data de sas eletziones est istada detzisa dae su Cossizu de sos Ministros: at a essere su 4 de su mese de Maltu de su 2018. Su presidente de su Cossizu, Paolo Gentiloni c'at a pigare su documentu a su Colle pro lu presentare a Mattarella mantessi.
Su 23 de su mese de Maltu, sas Cameras, ant a essere cunvocadas pro sa prima riunione e pro eleggire sos presidentes.
Paolo Gentiloni at nadu: "S'Italia s'est torrada a ponnere in moti poi de sa crisi pius manna dae sos tempos de sa gherra. Su guvernu bi la sighit a guvernare e pro como torramus gratzias a Mattarella pro aere garantidu s'istabilidade".
"Eo, in s'impestantu, appo a trabagliare finas pro faghere a manera chi su partidu meu, su Partidu Democraticu, arrivet prontu e forte a sas eletziones de Maltu de modu chi potat ottennere bonos resultados".
Sos meses chi ant a bennere, ant a essere meses de comitzios, ma su guvernu s'est impignadu a garantire sa serenidade politica de s'Italia accumpanzendeche sos italianos a sas dies de sas votasciones.