Ryanair: bolu nou dae S'Alighera a Berlino
At a partire dae su mese de Abrile
Di: Pietro Lavena
Sa cumpanzia aerea Ryanair at fatu ischire chi at a attivare sa rotta noa dae S’Alighera a s’aeroportu de Berlino Tegel, chin duos bolos sa chida a partire dae su mese de Abrile 2019. Pro s’istiu de s’annu chi enit da S’Alighera ant a partire 10 rottas Ryanair.
Sos viaggiadore de S’Alighera ant a poder bolare a prejos pius bascios.
"Ryanair est cuntenta de annuntziare una rotta noa dae S’Alighera a Berlino Tegel, a partire dae Abrile 2019 – at nadu John F. Alborante (Sales & Marketing Manager Italia de Ryanair) – chin duos bolos sa chida pro s’istiu 2019. Pro fagher festa semus ponzende bolos dae S’Alighera a 16,99 euros pro viaggiare finas a Martu 2019. Custa offerta balet finas a maesanote de melcuris 28 de Sant’Andria. Sicomente amus a bendere cuitende sos biglietes a custos prejos diai bascios, invitamus sos viaggiadore a intrare subitu in su situ Ryanair.com pro los comporare".
