Furadu su didgeridoo de Moses Concas in S’Alighera
Su didgeridoo de su sonadore Moses Concas est istadu furadu in S’Alighera cando s’artista fit sonende pro sa manifestatzione "Le vie del vì"
Di: Pietro Lavena
Su didgeridoo de su sonadore Moses Concas est istadu furadu in S’Alighera cando s’artista fit sonende pro sa manifestatzione "Le vie del vì".
Sa festa, organizada in su tzentru istoricu de sa tzittade dae chenabura a sapadu, aiat comente tema s’enologia sarda.
Su binchidore de Italia's Got Talent 2016 fit s’ospite pius importante de custa editzione.
Su didgeridoo, unu istrumentu musicale particulare, l’est istadu regaladu cando at giompidu sos annos e at unu valore affettivu mannu.
Concas, cando s’est abistu chi fit mancadu, at avveltidu sos organizadores chi ant iscrittu in Facebook a bidere si calecunu los podiat ajuare a lu recuperare.
"Piseddos e piseddas de S’Alighera e de totta sa Sardigna, calecunu at furadu custu istrumentu dae su palcu de Moses Concas, in piazza Pino Piras. Est unu didgeridoo particulare siat pro sa forma siat pro sa accordadura”
