Omine de 51 annos bocchidu in su Poettu de Casteddu
S'omine, italianu, tiat essere istadu bocchidu dae unu sudanesu
Di: Pietro Lavena
Custu manzanu in Casteddu, in s'ispiaggia de su Poettu, est istadu bocchidu un omine. Si naraiat Fabrizio Statzu, 51 annos, e fit de Uras. Tiat essere istadu bocchidu dae unu sudanesu de 27 annos chi est già istadu frimmadu dae sos carabineris. Sos omines si connoschiant dae prima de su fattu.
Sa vittima, chi si fit lassende chin sa muzere, istaiat in una roulotte in unu campeggiu de su Poettu.
A cantu paret Statzu e su sudanesu si sunt brigados, no s'ischit balu pro cale motivu, e poi de pagu si che sunt dados sas peddes a subra. No est balu giaru si Statzu siat mortu pro sos colpos retzidos o imbestidu dae sa macchina sua e tottu impittada dae su sudanesu pro si che fuire.
S'assassinu, chi fit proende a fuire, est istadu frimmadu dae sos carabineris in pagu tempus.
