Est sighinde s’abolottu in Crabas po sos Zigantes de Mont’e Prama, hustu manzanu est Arribà sa Soprintendente, Maura Picciau,  po che pihare  carchi istatua de sos Zigantes hi tenent bisonzu de triballos, che los depent pihare a sos laboratorios de sa soprintendentzia de Hasteddu.

Su sindihu de Crabas, Andria Abis eris notte at presentau un’ordinanza po serrare su musèo Marongiu, inube tenet histias sas istatuas.

At pihau husta detzisione a pustis de sas lamenteras de sa zente de sa bidda, hi abiant promissiu de aher abolottu si urint bennios a che pihare sas istatuas,  sunt de acordu hin sos Crabarissos bintzas totu s’aministratzione de sa Comuna de Crabas.

Sa soprintendente Maura Picciau, est Arribà a Crabas ma at buscau sos cantzellos de su musèo serraos e sa zustissia histinde su lohu.

A pustis de un’ atobiu hin sos de sa comuna, no ant galu pihau peruna detzisione.

“Attività realizzata col contributo della Regione Sardegna - IMPRENTAS 2020-2021. LR 22/2018, art. 22