Santu ‘Engiu. Puntu a lepa dae s’amihu
Bona sorte po unu zovanu de 20 annos
Di: Carlo Crisponi
A pustis de una briga, unu pitzocu de 20 annos, de Santu ‘Engiu, Gioele Melis at puntu a lepa unu amihu suo de sa propria edade, istropiandelu a una pala e a sa manu.
Est sutzessu a sas tres de manzanu, in domo de Melis, e galu non si ishit poite si sunt brigaos.
Su pitzocu ertu est ughiu dae sa domo, a sa sola est andau a s’ispidale de Santu ‘Engiu po si aher hurare, e at a sanare in 45 dies.
Sos dutores ant abisau sos carabiniers de sa humpanzia de Biddexìdru, e sunt arribaos deretu.
A pustis hi ant histionau a su pitzoccu ertu, dimandandeli sos hontos de sa briga, sos carabineris sunt andaos impresse a domo de Giole Melis.
L’ant buscau in cumpanzia de su babbu e de sa mamma, l’ant hompudau totu sa domo, in uve ant ahatau sa lepa e ant postu sos erros a su zovanu.
”“Attività realizzata col contributo della Regione Sardegna - IMPRENTAS 2020-2021. LR 22/2018, art. 22
