Covid, dae su 7 de ghennarzu su DPCM nobu
Su Guvernu est pessande de hambiare su holore de sas zonas de carchi regione de s’Italia
Di: Carlo Crisponi
Su 6 de ghennarzu vinit su Dpcm hi totu sa Natzione est rispetande dae su 24 de Nadale, oe torramus in sa zona aranzu e su 5 e su 6 in zona rubia.
Dae su 7 cada regione dia deper torrare in su holore hi teniat prima de sas estas, ma in custas oras Giuseppe Conte paris in sos delegaos de sos partidos hi sunt humandande, sunt pessande de hambiare carchi hosa pompiande si creshet o halat su numeru de sas pessones hi ant pihau sa maladia.
Bi sunt po homo 3 regiones hi rischiant de holare in sa zona aranzu : Veneto, Calabria e Liguria, ma vinas Marche, Emilia Romagna e Friuli Venezia Giulia sunt rischiande de holare in su matessi holore. Totu su restu de S’italia at esser in sa zona groga.
Sa novidade de su Dpcm novu hi sunt istudiande at esser, hi su fine hida totu sa Natzione at a holare in zona rubia, torrande a serrare medas butehas e minimande sas essidas dae domo.
Gai e tottu ant faher sos ristorantes e sos tzilleris hi ant poder bender ma no ant poder aher intrare sas pessones po poder mandihare o bufare in intros.
”“Attività realizzata col contributo della Regione Sardegna - IMPRENTAS 2020-2021. LR 22/2018, art. 22c
