Mogol arrivit in Sardigna, un eventu de no perdere
Sapadu 30 de Martu in su Teatru de Mogoro
Di: Pietro Lavena
At a essere unu sero riccu de musica e ispettaculu. Unu viaggiu tra sas cantones pius amadas e connotas, a comintzare dae sas chi sunt naschidas dae sa collaboratzione chin Lucio Battisti.
Mogol, in cumpanzia de Giuliano Marongiu, at a presentare sos successos pius mannos in su Teatru Comunale de Mogoro, su 30 de Martu a sas 9 de sero, accumpanzadu finas dae sa Sardinia Rock Band, unu de sos menzus cumplessos italianos, dirigidu dae Massimo Satta.
Ospites e mamentos de festa pro tottu ant a animare unu eventu de no perdere pro onorare s'autore de cantones chi no si podent ilmentigare e chi at iscrittu no solu pro Battisti ma finas pro Celentano, Cocciante, Dalla, Morandi, Mina, Renato Zero, Dik Dik, Marcella e Gianni Bella.
Sa manifestatzione est organizada dae su Comune de Mogoro in collaboratzione chin sa Guilcer Spettacoli de Angelo Mele.
