Sa pisedda isparida dae Giorgino est istada bocchida dae su babbu e sa mama
Esperanza est isparida su 23 de nadale dae su villaggiu de sos Piscadores, in Giorgino
Di: Pietro Lavena
Sa pisedda rom isparida dae Giorgino est istada bocchida dae su babbu e dae sa mama. Esperanza fit isparida su 23 de nadale dae su villaggiu de sos Piscadores, in Giorgino, inue istaiat in unu furgone Daily chin su babbu e chin sa mama.
Propriu issos sunt istados arrestados dae s’Isquadra Mobile de sa Questura de Casteddu ca sunt accusados de l’aere bocchida, de aere dadu fogu e cuadu su corpus sou. Tottu custu tiat essere istadu fattu pro ingannare sos investigadores, chi ant iscobertu sa veridade poi de chidas.
Sos arrestados si narant Slavko Seferovice Dragana Ahmetovic, ambos duos 28ennes. Aiant fattu finta chi sa fiza fit istada sequestradas dae una banda de rumenos. Ma sa veridade fit pius grave meda.
Sas intercettatziones e sa ricostruscione de sos movimentos de sos duos ant permissu de iscoberrere sa veridade subra sa morte de sa pisedda.