Totus sas biddas sardas hi sunt in zona rubia
Solu Urtèi torrat in zona aranzu, sas atteras biddas abbarrant galu serràs po paritzas dies
Di: Carlo Crisponi
Sa zona rubia in Urtèi e in Bono est finia eris, ma solamente in Bono ant detzisu de la sighire bintzas de s’11 de abrile.
In Uri su Sindihu at ispostau sa fine de su “ Lockdown" a su 20 de Abrile e in Gavoi eris at fattu su matessi su Sindihu, Sarbadore Lai, hi serrat sa bidda bintzas a su 13 ‘e hustu mese.
In Soleminis, issos puru finint sa zona rubia su 13, e in sa bidda accante a issos, in Brucei su 14 de Abrile.
In Santu Pedru, finint su 12 e su matessi in Donori, in Pula depent isettare carchi die in prus, finint su 16.
In Samugheo, sunt isettande sos esitos de sos tampones fattos in custas dies, e finint sa zona rubia s’11 de abrile.
In Sindia finint su 9, gai e totu in Figari, in Pottumajòre duas dies a pustis, s’11 torrant hommente su Guvernu at detzisu.
S’ordinantzia hi ant fattu in Sinnarìolo finit su 18 de abrile.
Po more de sa creshida de sos contagios a su Covid, medas sindihos sunt hustrintos a serrare sas biddas po crihare de frimare su virus, eris in Nugoro, su Sindihu, Andria Soddu at serrau sas isholas e non si podent abisittare sos parentes e in Macumere, a pustis de sos 44 positivos hi bi sunt in sa bidda ‘e su Marghine, su Sindihu at detzisu de serrare sas isholas.
Attività realizzata col contributo della Regione Sardegna - IMPRENTAS 2020-2021. LR 22/2018, art. 22
