Sunt sighinde sa criha de Silvana Gandola
Sa emmina mancat dae su 28 ‘e martzu, sufrit de Alzheimer
Di: Carlo Crisponi
Est sighinde sa criha de sa emmina de 79 annos, Silvana Gandola, mancat dae su 28 de martzu dae Aglientu, udi a passizu in s’spiaggia de Torre Vignola, accante a sa cresia de Santu Silverio hin cumpanzia de un’attera emmina hi triballat po issa.
Silvana Gandola sufrit de Alzheimer.
Sos Carabineris de Tempiu dae sa die, sunt crihande cada die sa emmina, los sunt azudande sos Vigiles de su Ohu, un’iscuadra de sos “ Cacciatori di Sardegna”, sos bolenterosos de sa Protteztione Tzivile, sos Barratzellos e sos de su Succursu Alpinu.
Dae su centru ‘e adestramentu cinofilu de sos Carabineris, ant battiu duos hanes, imparaos po crihare sas pessones intendende sos frahos, sos hanes sunt sighinde sa criha hentza perunu risurtau.
Attività realizzata col contributo della Regione Sardegna - IMPRENTAS 2020-2021. LR 22/2018, art. 22
