Unu pitzoccu de Aristanis est grave meda, a pustis de un’incidente hin sa moto
Ch’est essiu a foras de istrada in Biddaobràna, che l’ant pihau a s’Ispidale Brotzu de Hasteddu
Di: Carlo Crisponi
Est postu meda male unu pitzoccu de Aristanis hi at tentu un’ incidente hin sa moto sua, su dannu est sutzessu henapra in Biddaobràna.
Che l’ant pihau a pustis de s’incidente a Hasteddu, est ricoberau in s’Ispidale Brotzu, tenet unu trauma cranicu e paritzas fraturas a sos bratzos e a sas ancas, no est po bona sorte in perehulu de bida.
Su tzafu l’at tentu a ora ‘e sas 5 de merie in s’Istrada Provintziale 35, in sos tretos dae Siamanna a Biddobràna, su pitzoccu udi in biazu ghirande a Aristanis, ma in s’intrada de Biddaobràna, ch’est essiu a foras de istrada.
L’ant succursu derettu sos de su 118, ant abisau s’elisuccursu e pihau de urgentzia a Hasteddu.
Attività realizzata col contributo della Regione Sardegna - IMPRENTAS 2020-2021. LR 22/2018, art. 22
