Hustu merie a sas 6, su Hasteddu zohat foras de Sardinna, hontra  ‘e sa Spezia.

S’allenadore de sos Sardos, Lenardu Semplici at histionau in sa cunferentzia istampa, e at nau: “ dopimus aher su dovere nostru, hentza pessare a sos atteros, dopimus ghirare dae sa Liguria hin d’unu risurtau postivu”.

At sighiu sa cunferentzia histionande de sos rivales de sa Spezia: “ sunt ahende unu bellu campionau, sunt  ahende de totu po mantener sa categoria, nois dopimus zohare hin sa mentalidade zusta, at a esser una partzida gherrà, una battallia po crihare de nos accurtziare de prus a issos in classifica, ma d’ishimus hi no est s’urtima partzida de su campionau.

Galu no isto hie at zohare dae su comintzu, torrant Pavoletti e Lykogiannis, istant totus bene, sunt totus prontos po zohare.

Dopimus gherrare po 95 minutos, dopimus tenner gana de ghirare in Sardinna hin  d’unu bellu risurtau, azudandennos s’unu hin s’atteru”. 

“Attività realizzata col contributo della Regione Sardegna - IMPRENTAS 2020-2021. LR 22/2018, art. 22