Eris merie ant buscau  un’ommine mortu in intros de su bannu de unu trenu hi udi firmu in s’istatzione de Serramanna.

A pustis sas 6 de merie, ant probau a intrare a su bannu ma sa zenna risurtabat serrà, a hussu puntu ant  abisau sos triballadores de sas ferrovias hi ant deretu muttiu sos Vigiles de su Ohu e sa Politzia Ferroviaria.

Hando ant apertu sa zenna, ant buscau s’ommine mortu, bintzas a eris non si d’ishiat su numene de husta pessone mala assortà e non si d’ishiat de ite siet morta.

Dae su hi ant nau, in intros de su bannu ant buscau macras de sambene, ma in intros de su trenu e bintzas accante ‘e su bannu non bi est sinzos hi siat sutzessa carchi briga.

Su medicu legale at a narrer de tzertu de itte est mortu hust’ommine.

Attività realizzata col contributo della Regione Sardegna - IMPRENTAS 2020-2021. LR 22/2018, art. 22