Novas

Silànos. S’urtimu saludu a Diana Morittu

Sa pitzocca est morta a 22 annos po una maladia mala hi l’abiant honnotu dae hando udi minoredda

Silànos. S’urtimu saludu a Diana Morittu

Di: Carlo Crisponi


Eris merie sa bidda ‘e Silanos at dau s’urtimu saludu a Diana Morittu, sa pitzocca de 22 annos  hi sufriat de una distrofia a sos muscolos, una maladia hi l’abiant honnotu dae hando teniat pahos annos, est morta po un’emorargia cerebrale.

Unu saludu hi, medas pessones heriant dare a Diana, ma po rispettu de sas regulas po su Covid no ant potziu.

Tristos mannos su Babbu Mario, sa Mamma Anzela Maria e su frade Dario, unu dolore hi at curfiu bintzas totu sa bidda ‘e Silànos e totu su mundu de su Folklore de Sardinna

Diana si l’ammentant totus po sa huntentesa  hi teniat hando inghiai su hostumene de sa bidda sua, unu disizu hi at sempe tentu dae hando udi minoredda.

Deo puru appo hertziu iscrier una poesia po ammetare a Diana, po ammentare sa ortza hi a tentusemper e po ammentare sa cara sua semper alligra, sempe gherrande hontra ‘e su destinu hi l’abiat negau de holare una vida hommente hussa hi totus sos zovanos de s’edade sua disizant.

Su chelu de nieddu ses pintadu 

Non tenet pius su bellu colore 

Est pianghinde po cussu fiore 

Chi su destinu feu  c’at pigadu 

Ses Istada Diana tropu pagu 

In custa vida piena ‘e dolore 

Ma tue semper alligra e ch’in amore

A esser fortes nos as imparadu 

A  Babbu e a Mamma tene in mente

Po Frade tou faghe sa guida 

Chi mai issos appana tristura 

In paradisu  ses tue una pintura 

Ti soe idende serena e sorridente 

Chin su costumene fiera ses bestida 

Attività realizzata col contributo della Regione Sardegna - IMPRENTAS 2020-2021. LR 22/2018, art. 22

Correlati

Il nuovo shop di Sardegna Live

SardegnaLive mette in vendita una serie di prodotti tipici dell’Isola, scopri i cesti regalo, i prodotti per il corpo ed i gadget nel nostro shop online.

Scopri lo shop