Su Hasteddu zohat hontra ‘e su Torino
Sa partzida prus importante po su campionau de sos Sardos
Di: Carlo Crisponi
Est po su Hasteddu sa partzida prus importante de su campionau, cras notte arribat a sa “Sardegna Arena” su Torino, binchende cras sos ommines de Di Francesco che podent holare in classifica sos Piemontesos e podent torrare a bincher una partzida a pustis de 3 meses.
S’iscuadra est in ritiru dae eris po crihare de buscare sa cuncentratzione e sa ortza zusta po zohare una partzida meda tosta.
s’allenadore de sos Sardos at nau: “ est una partzida meda importante po nois, no est detzisiva poite de partidas de zohare nde mancant medas, ma dopimus zohare solamente po sos 3 puntos.
Nainggolan tenet problemas a sas ancas, ma soe in s’ispettu hi cras che siet sanau bene, cras merie ammus a bier si est prontu po zohare”.
Bintzas su Torino no est holande unu momento bellu, Issos puru deppent crihare de bincher po non sighire a halare , cras notte ammus a bier de sehuru una partzida gherrà dae duas iscuadras hi non meritant su postu hi tenent in classifica.
Attività realizzata col contributo della Regione Sardegna - IMPRENTAS 2020-2021. LR 22/2018, art. 22