Su Hasteddu zohat hontra e su Sassuolo a sas 3 de merie in sa Sardegna Arena, a pustis de 6 partzidas perdias e 12 partzidas hentza de binchere una, est ora de hambiare s’andatzu de su campionau. 

S’allenadore Di Francesco, at nau: ” si depet crihare a mala boza de aher sos tres puntos, est una partzida hi pesada po s’andamentu de su campionau, dopimus esser semper cuntzentraos e ishidos, hentza nos istrahare dae derettu mantenent sas ortzas po totu sos 90 minutos”.

Su Presidente Giulini, at cunfirmau   s’allenadore a pustis de sa partzida perdia dominiha holà in Genova, Di Francesco est huntentu po sa fidutzia hi l’est dande, li torrat gratzia po s’istima hi li tenet e non li heret aher pihare atteros dispiagheres.

A sa dimanda hi l’ant attu , hommente mai  su Hasteddu non sinzat dae 3 partzidas, Di Francesco at arrespostu: “ non sinzamus ma ammus tentu paritzas occasiones po lu aher, depimus esser prus bravos a non perder sas  possibilidades hi nos  capitant de sinzare”.

“Attività realizzata col contributo della Regione Sardegna - IMPRENTAS 2020-2021. LR 22/2018, art. 22