Samugheo. Su Covid firmat “A Maimone”
Non si podet aher s’isfilada po harrasehare, est sa prus manna in Sardinna
Di: Carlo Crisponi
Su Covid firmat sa esta manna de Samugheo “ A Maimone ”, non si podet aher s’isfilada de sas mascaras de sa traditzione sarda, e de sas mascaras hi arribant dae medas tretos de s’Europa.
Sos pitzoccos de s’Associtazione “Mamutzones de Samugheo”, ant isperau bintzas a s’urtimu de poder aher s’isfilada po su Harrasehare de su 2021, hi batit a Samugheo meda zente dae cada punta de sa Sardinna, ma sunt istaos hustrintos a pessare a hussa de su 2022.
Tristos po husta detzisione sos de s’Associazione ana hertziu abisare a tous nande: “ Custa nova penzo chi totus dda penzanta, como est segura.
S'agataus fortzaos a no faer ocannu su Carrasegare e Maimone. Seus disprascios ma inganiaos a torrare a partire in su 2022 cun meda prus gana.
I dies de sa festa manna ant a torrare prestu ma dae como a innantis abbarrae cun noso ca teneus ateras novas de importu”.
”“Attività realizzata col contributo della Regione Sardegna - IMPRENTAS 2020-2021. LR 22/2018, art. 22
