Ovodda

A Peppe Cuga bonu viazu

Poesia dedicata al maestro delle “bidulas”, spentosi all’età di 77 anni

A Peppe Cuga bonu viazu

Di: Nicola Loi


Su bidularzu 'e sos Barbarighinos,

Fis in Ovodda unu monumentu.

Como frimadu as totu sos caminos,

Cun sa salude mala-sorte as tentu.

 

Giradu as cun sas cannas mesu mundu,

E in totas sas biddas de Sardigna.

Sa dantza, ballu tzopu, ballu tundu,

Los sonaias in dogni rassigna.

 

As cunservadu su trazu antigu,

De sos antigos nostros de s'intragna.

Cun bonidade, de totus amigu,

Che sos omines bonos de muntagna.

 

Abberu una figura singulare,

De Ovodda fis manna sa bandera.

Dae totus ti faghias istimare,

Bona persone, umile e sintzera.

 

A nos torrare torrare a bider sende bios,

M'as nadu in sa festa neonelesa.

Cun tristura ti mando sos adios,

Oe perdimus manna una richesa.

 

Tue nos as dadu pro annos recreu,

Comente semper cun zente modesta.

Reposa in paghe santa amigu meu,

Oe finas in su chelu faghes festa.

 

Cun tristura

Nicola Loi

Leggi anche: Morto a 77 anni Peppe Cuga, maestro delle "bidulas"

Correlati

Il nuovo shop di Sardegna Live

SardegnaLive mette in vendita una serie di prodotti tipici dell’Isola, scopri i cesti regalo, i prodotti per il corpo ed i gadget nel nostro shop online.

Scopri lo shop