Non ses sardu
Chi as fattu chin su vogu a sa cua non est'azione de ti perdonare
Di: Redazione Sardegna Live
Cando si chere faghe s'ignorante
Po lassare un'ammentu dolorosu
Medas bortas non est rispettosu
Ca de sa patria sua non est'amante
chie bi este innoghe abitante
De esses sardu no est' orgogliosu,
De domo sua non de tenet gosu
E brujadu at tottu in dun'istante
Cust' azione in manera indigna
Chi as fattu chin su vogu a sa cua
Non est'azione de ti perdonare
Non ti podes mai paragonare
E podes narre chi est terra tua
Non podes esses fizzu de Sardigna
Carlo Crisponi
